Почитувани,

Младинскиот клуб при Фондацијата “Фокус” во рамките на проектот „Младите за отворено општество - Локална младинска иницијатива“, кој се реализира во партнерство со Младинскиот образовен форум (МОФ), финансиски поддржан од ФИООМ,  организира јавна дебата на тема

„ Модерните трендови пресудни за односот на младите
кон животната средина и урбаната опрема “

Јавната дебата ја организираме со цел да се подигне свеста кај младите во зачувувањето на животната средина и урбаната опрема.
Дебатата ќе се одржи на ден 18.02.2009 год (среда) со почеток во 19:00 часот, во Големата сала на Општина Велес.

Посебна чест ќе ни претставува Вашето ценето присуство, како и Вашето активно учество во дебатата.

„Општина Велес и Фондацијата „Фокус“, по петти пат ја организираат манифестацијата од хуманитарен карактер „Велешка пастрамајлија“. Манифестацијата која годинава е ревијална ќе се одржи во сабота, 21-ви февруари 2009, во ресторанот „Снупи“ (Офоцерски дом), со почеток во 12 часот.
 
На манифестацијата ќе учествуваат сите  досегашни учесници угостители и производители на вино од повеќе градови од земјава. Питите и виното и овојпат ќе бидат достапни за посетителите по симболична цена. И годинава средствата собрани на манифестацијата ќе бидат донирани за хумани цели.

Општина Велес и Фондација „Фокус“ Ве покануваат со Вашето присуство да ја збогатите манифестацијата „Велешка пастрамајлија 2009“ и да ја потврдите хуманоста на велешани“

Велешани порачуваат: Власта нема право да ни ја одземе иднината!

Македонија ги изгуби основните демократски вредности. Слободата не постои, таа е заменета со цензура и самоцензура. Наместо култ кон Уставот и уставните принципи, во Македонија се гради култ на личноста. Мегаломанијата на актуелната власт го гази македонскиот дух и ги затвара сите врати кон Европа и кон иднината.

Со овие констатации, иницијаторите на движењето Граѓани за европска Македонија (Мерсел Биљали, Никола Гелевски,. Бранко Героски, Жарко Трајановски и Владимир Милчин) ја започнаа синоќешната трибина во Велес, втора од серијата средби и разговори со граѓаните за состојбите и перспективите на Македонија.

Салата на општина Велес беше исполнета речиси до последното место со граѓани од различна возраст кои сакаа да ги споделат своите ставови, мислења и грижи за Македонија и нејзината иднина.

На 27.1.2009 год. (вторник) во просториите на Фондацијата “Фокус“ се формираше првата советодавна група граѓани (СГГ). Во составот на оваа СГГ влегуваат преставници на Урбаните заедници, младински НВОи, здруженијата на пензионери и од Одделението за превенција при Полициската станица Велес Главни организатори на средбата се МВР - СВР Велес и ОБСЕ. Овие советодавни групи ќе имаат значење на групи за решавање на проблеми од заеднички интерес на локано ниво.

На оваа средба Началникот на одделението за превенција г-дин Ненко Александров ги презнетираше потребите, целите и предизвиците за основање на локалните СГГ, потоа се избра претседател на СГГ г-дин Диме Велев - програмски директор на Фондацијата ФОКУС.

Овој концепт ке овозможи партнерство преку кои ќе се зајакнат односите помеѓу полицијата и граѓаните, а воедно ќе се подобри и комуникацијата и размената на информации, пред се севкупниот квалитет на живеење.

Врз основа на член 30 став 3 од Статутот на Сојузот на Извидници на Македонија,  Старешинството на СИМ  распишува

КОНКУРС

за избор на Генерален секретар на СИМ