На 11.05.2010 година во салата на општина Лозово во организација на Фондацијата за локален развој и демократија ,,Фокус,, и општина Лозово се одржа првата координативно - информативна средба на претседателите на месните заедници на општина Лозово со претставници на општинската администрација. На средбата присуствуваа 6 претседатели на месни заедници тоа од МЗ Лозово, МЗ Милино, МЗ Каратманово, МЗ Сарамзалино, МЗ Дорфулија, МЗ Аџиматово и 1 претставник од општинската администрација.
На 04.05.2010 година во ООУ ,,Тодор Јанев,, во Општина Чашка во организација на Фондацијата за локален развој и демократија ,,Фокус,, и општина Чашка се одржа првата координативно - информативна средба на претседателите на месните заедници на Општина Чашка со претставници на општинската администрација. На средбата присуствуваа 12 претседатели на месни заедници тоа од МЗ Согле, МЗ Нежилово, МЗ Голозинци, МЗ Долно Врановци, МЗ Стари Град, МЗ Илинден Чашка, МЗ Чашка, МЗ Горно Јаболчиште, МЗ Теово, МЗ Ореше, МЗ Отиштино претставник од општинската администрација.
Фондација Фокус, како резултат на своето успешно работење во изминатата 2009 година, беше поканета да ги претстави постигнатите резултати на конференцијата на тема „Граѓанските организации – партнери за успех“.
Целта на конференцијата беше да се претстават и споделат најуспешните приказни и резултати од работата на организациите кои беа опфатени со овој проект и да се утврдат предизвиците кои стојат пред граѓанските организации.
На 26.04.2010 година во организација на Фондацијата за локален развој и демократија ,,Фокус,, и Општина Градско се одржа првата координативно - информативна средба на претседателите на месните заедници на општина Градско со претставници на општинската администрација. На средбата присуствуваа 7 претседатели на месни заедници тоа од МЗ Уланци, МЗ Водоврати, МЗ Горно Чичево, МЗ Ногаевци, МЗ Кочилари, МЗ Градско и претставници од општинската администрација.
Работилницата на тема „Младинско вработување“ се одржа на 25.03.2010, во просториите на Фондацијата „Фокус“. На неа учествуваа членовите на младинскиот клуб при Фондацијата „Фокус“ , од бизнис секторот, студенти од Техничко-технолишкиот факултет и професори од средните училишта.
На работилницата средношколците ги искажаа своите мислења и идеи за тоа како може да се намали степенот на невработеност, а воедно и беа заинтересирани за начините за младинско самовработување и креирање на свој сопствен бизнис. Одговорите на овие прашања ги дадоа преставниците од бизис секторот и дел од излагачите наработилницата, кои беа пријатно изненадени од заинетересираноста на младите да станат млади претприемачи, подготвени да превземат ризик и да целат кон успехот.
“Одговорно претприемништво за млади: Креирање култура на антикорупција во приватниот сектор”
Денеска во просториите на Фондацијата „ФОКУС“ се одржа семинар на тема: “Одговорно претприемништво за млади: Креирање култура на антикорупција во приватниот сектор”, која е дел од многуте активности на Фондацијата ПСМ (Yes-incubator), финансирана од Европската Комисија. На него учествуваа преставници од следниве институции и организации: Сашко Ристовски - ЛЕР Велес, Зоран Јанкуловски - Здружение на финансиски работници, Бобан Пановски – Технолошко-технички факултет - Велес, Софија Цали - “Младите можат” и Маико Којима од АИЕСЕК од Јапонија. Модератор на трибината беше новинарот Саше Димовски. Како гости - учесници на оваа трибина беа членовите на Младинскиот клуб ФОКУС, преставници од бизнис секторот,од ЛЕР при Општина Велес, професори од средните училишта и други заинтересирани граѓани. На неа се говореше за начините за спречување на корупцијата на сите полиња, но и за последиците од неа и обостраната одговорност.
Кон крајот на април оваа година, се очекува да се случи национална конференција, која ќе преставува и официјално завршување на овој проект.
