Јавната расправа по Нацрт-документите на општина Велес за претставници на институции од областите на: образование, култура, здравствена  и социјална заштита, се одржа на 4.11.2009 година во големата сала на општина Велес со почеток во 17.00 часот. На неа присуствуваа 32 учесници од кои 13 претставници од училиштата, 7 членови на Советот на општина, претавник од ТППЕ Велес (против пожарна бригаде), претставник од ЈЗУ Зравствен дом, 2 ученици од Центарот за социјални грижи, 3 од НВО Виготски, 2 членови на месни заедници. На почетокот на јавната расправа од службениците на општинската администрација беа презентирани сите Нацрт- програми за активностите на општината во следната 2010 година.

На јавната расправа не присуствуваше градоначалникот Горан Петров кој беше службено отсутен, но според утврдената динамика и законските рокови јавните расправи мораа да бидата одржани на овие два датуми.
За Нацрт-програмата од областа на образованието беше предложено:
•    да се обезбедат повеќе средстав за капитални инвестиции
•    општината да изнајде средства за обезбедување на психолог со барем половина работно време во СОУ,,Јовче Тесличков,,
•    обука на наставниците и раководниот кадар од ООУ ,,Рајко Жинзифов,, во село Горно Оризари
•    да биде вработен котлар во училиштето ООУ ,,Рајко Жинзифов,, во село горно Оризари
•    да бидата поставени "легнати полицајци" пред училиштето во Оризари
•    да се воспостави мобилна чуварска служба за ЈДУ ,,Димче Мирчев,, (градинки) која паралелно ќе работи и во училиштата.
•    да биде изработен проект за изградба или реновирање на греењењто во Гиманзијата ,,Кочо Рацин,,
•    да биде воспоставен општинскиот образован портал и изработени веб старни на училиштата во руралните средини
•    да се осветли и асфалтира игралиштето во населбата Превалец
За Нацрт-програмата од областа на социјалната и здравствената заштита беше предложено:
•    да се организира донаторска конференција за социјално најзагрозените деца
    За останатите нацрт-програми не беа доставени предлози или забелешки од страна на присутните учесници на јавната расправа.
Од општинската администрација беа давани одговори на поставените прашања и уредно запишувани забелешките и предлозите кои ќе бидат доставени до градоначалникот и Советот на општина Велес.